türkiyening yéngi hujumchi tik uchar ayropilani körgezme qilinidu
dunyaning aldinqi qatardiki mudapie sanaiti paaliyetlirining biri hésablinidighan xelqara mudapie sanaiti yermenkiside türkiye bir yéngiliqni jamaetchilik bilen ortaqlishidu.
türkiye awazi radiyosi xewiri: xelq ichide atak-2 dep atiliwatqan éghir tipliq hujumchi tik uchar ayropilan tunji qétim yermenkide körgezme qilinidu.
igilinishiche, mezkur tik uchar ayropilan yermenkide yerlik qoral – yaraghlar seplengen halette körgezme qilinidiken.
éghir tipliq hujumchi tik uchar ayropilani pilani, türkiye armiyesining bu sahediki éhtiyajini nezerde tutup ijra qilinishqa bashlighanidi.
éghir yüklerni toshushqa bolidighan mezkur tik uchar ayropilanning qiyin hawa sharaitlirigha chidamchan ikenliki؛ ilghar téxnologiyelik nishan békitish we süretke élish, éléktronluq urush, alaqilishish we qoral sistémilirining seplinidighanliqi bildürüldi.
14 – nöwetlik xelqara mudapie yermenkisi 30 – apréldin 3 – mayghiche istanbulda ötküzülidu.