jumhur reis erdoghan siri lankidiki térrorluq hujumini qattiq eyiblidi

türkiye awazi radiyosi xewiri:jumhur reis rejep tayyip erdoghan siri lankida 156 ademning ölümi we  400din artuq ademning yarilinishigha seweb bolghan térrorluq weqesini qattiq eyiblidi.

jumhur reis erdoghan twittér adrésida siri lankida meydangha kelgen bu qétimqi térrorluq hujumining pütkül insaniyetke qilinghan hujum ikenlikini eskertip: siri lankida pasxaliya bayrimida yüz bergen bu qétimqi hujumni qattiq eyibleymen, dédi.

erdoghan uchurida munularni dédi: « siri lankidiki térrorluq hujumida jénidin ayrilghanlarning yéqin-yoruqliri we barliq siri lanka xelqige özüm we millitimge wakaliten teziye bildürimen, shundaqla hujumda yarilanghanlargha allahtin shipa tileymen, bu hujum térrorizimgha yene bir qétim ejellik zerbe bérishning muhimliqini körsitip berdi. insaniyet we dunya tinchliqining ortaq düshimini hésablinidighan térrorizmgha qarshi siri lanka bilen hemkarliq ornitishqa teyyar ikenlikimizni tekitlimekchimen. »