türkiye néme üchün rusiyedin bashqurulidighan bomba sétiwalidu?
türkiye tashqi ishlar ministiri mewlüt chawushoghlu amérikaning «wetenperwer» namliq bashqurulidighan bomba sétish toghrisida kapaliti yoqluqini, shunga satmisa rusiyedin «S-400» sétiwélinishi mumkinlikini éytti.
türkiye awazi radiyosi xewiri: türkiye tashqi ishlar ministiri bir xususiy téléwiziye qanilida bayanat élan qilip, ötken heptidiki amérika ziyaritide, türkiyening néme üchün «S-400» sétiwélishqa mejbur ikenlikini chüshendürgendin kéyin, amérikaliq mesullarning «ishning bundaq ikenlikini bilmeyttuq» dégenlikini bildürdi.
u türkiyening «S-400» sétiwélishining nato ezaliqigha zit emeslikini eskertip, natogha eza bezi döletlerde «S-300» barliqini xatiriletti.
u «S-400» lerning «F-35» lerge tehdit shekillendüridighanliqi toghrisidiki qarashlar üstide toxtaldi. u türkiyening amérikagha «S-400» lerni birlikte tekshürüsh teklipini sunghanliqini éytti. u mundaq dédi:
«mutexessislerdin teshkillengen bir tekshürüsh guruppisi qurayli we bu guruppa < F-35> qatarliq bashqa nato sistémilirigha tehdit shekillendüremdu, yoqmu, buni tekshüreyli déduq. türkiyening kontrolluqida bolidighan bir sistéma qandaqlarche tehdit peyda qilsun. téxnika heyiti teklipimizge hazirche jawab kelmidi.»
u türkiyening igilik hoquqluq dölet ikenlikini, qararlirini özining béridighanliqini tekitlep, amérikaning toxtimay émbargo toghrisida gep qilghanliqini bildürdi. u: «ittipaqdashliqimizgha ziyan salghan ulardur. ular térrorluq teshkilati (y p g|p k k) bilen hemkarliq ornitip, ittipaqdashliqimizgha ziyan saldi» dédi.
u amérika tashqi ishlar ministiri mayk pompéyoning amérikaning türkiyege «wetenperwer» sétish kapalitining yoqluqini éytqanliqini eskertti we mundaq dédi:
«amérika <wetenperwer> satsa alimiz, eger satmisa ikkinchi < S-400> yaki bashqa hawa qalqan sistémisi sétiwélishimiz mumkin. biraq, bizning jiddiy éhtiyajimiz bar, turuwatqan yérimiz gül baghchisi emes.»
