türkiye iraqqa yardem berdi
türk ghewwas etretliri iraqning musul shehiride yüz bergen kéchik kémisi qazasida yoqap ketkenlerni izdesh - qutquzush paaliyetliri dairiside «dijle deryasi» din bir balining jesitini tapti.
türkiye awazi radiyosi xewiri: iraq ichki ishlar ministirliqi etretliri bilen hemkarlashqan türkiye déngiz armiyesi qomandanliq ishtabidin 20 kiishlik ghewwas etriti bilen İHH insaniy yardem fondi su asti izdesh - qutquzush etriti, musuldin texminen 30 kilométir yiraqliqqa jaylashqan hamam elelil yézisida 15 yashliq türkmen bir balining jesitini tapti.
igilinishiche, türk ghewwaslarning hawa sharaitining qattiq nachar bolushigha qarimay iraqning musul shehirige jaylashqan «dijle deryasi» boyidiki izdesh - qutquzush paaliyetliri dawamlashmaqta iken.
musul shehiride 21 – mart küni bir kéchik kémisining kömtürülüp kétishi netijiside texminen 100 kishi hayatidin ayrilghan, 60 kishi qutulup qalghanidi. weqedin kéyin yoqap ketken 100 ge yéqin kishini izdesh - qutquzush xizmiti ishqa kirishtürülgenidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.