türkiye musulgha yardem qildi
türkiye iraqning musul shehiridiki izdesh - qutquzush paaliyetlirige yardem bérish üchün 20 kishilik bir etret ewetti.
türkiye awazi radiyosi xewiri: türkiye déngiz armiyesi qomandanliq ishtabidin 20 kishidin teshkil tapqan ghewwas etriti, musulda «dijle deryasi» boyida yüz bergen kéchik kémisi qazasida yoqap ketkenlerni izdesh - qutquzush paaliyetlirige yardem bérish üchün rayongha ketti.
türkiye dölet mudapie ministirliqi teripidin bu heqte élan qilinghan bayanatta, mundaq déyildi: «musulda 21 – mart küni <dijle deryasi> boyida yüz bergen kéchik kémisi qazasida yoqap ketkenlerni izdesh - qutquzush paaliyetlirige yardem bérish üchün, déngiz armiyesi qomandanliq ishtabidin 20 kishidin teshkil tapqan ghewwas etriti mexsus ayropilan bilen rayongha ketti.»
musul shehiride «dijle deryasi» boyida yüz bergen kéchik kémisining chöküp kétishi netijiside 85 kishi hayatidin ayrilghanidi.
