emine erdoghan noruzni tebriklidi
jumhur reis rejep tayyip erdoghanning repiqisi emine erdoghan, noruzning jimi alemge xatirjemlik, dostluq we tinchliq keltürüshini ümid qilidighanliqini bildürdi.
türkiye awazi radiyosi xewiri: emine erdoghan ijtimaiy taratqu tori tiwittérdiki adrési arqiliq 21 – mart dunya noruz bayrimi munasiwiti bilen köngül sözlirini izhar qildi.
baharning kelgenlikining, tebietning oyghanliqining we issiq hawaning zémin bilen didarlashqanliqining simwoli bolghan 21 – mart dunya noruz bayrimini tebrikleydighanliqini bildürgen emine erdoghan, «ümid qilimenki, bu noruz jimi alemge xatirjemlik bilen birlikte dostluq we tinchliqnimu élip kélidu. bu menilik künde özimiz himaye qiliwatqan köngül elchilirimiz bilen hemkarliq ornitip, bereket ormanliri pilanimiz dairiside hazirghiche 1 milyon 300 ming qarighay tikkenlikimizdin xushalliq hés qilmaqtimiz. yil axirighiche bir yérim milyongha yétidighan qarighaylirimiz bilen dölitimiz yéshillashturushni dawamlashturimiz» dédi.
