«türk millitining eng büyük küch menbesi qérindashliq we hemkarliqtur»
jumhur reis rejep tayyip erdoghan, türk millitining eng büyük küch menbesining qérindashliq we hemkarliq ikenlikini bildürdi.
türkiye awazi radiyosi xewiri: jumhur reis rejep tayyip erdoghan, türk millitining eng büyük küch menbesining qérindashliq we hemkarliq ikenlikini éytti.
erdoghan, yawropa boyiche eng chong hésablinidighan anka baghchisining échilish murasimida söz qildi.
türkiyening tereqqiy qilishini xalimaydighan bezi küchlerning türkiyege dawamliq tuzaq qurup kéliwatqanliqini eskertken erdoghan: dunyada bunchilik qisqa waqit ichide bizchilik éghir hujumlargha duch kélip turupmu qed kötürüp turuwatqan ikkinchi bir dölet yoqtur. kim néme déyishtin qetiynezer türk millitining eng büyük küch menbesi qérindashliq we hemkarliqtur, dédi.
yéngi zélandiyede jüme namizi esnasida ikki jamege hujum qilip 50 ademning jénigha zamin bolghan térrorchining atalmish xitabnamisi üstide toxtalghan erdoghan: on minglarche kilométir yiraqliqta turup milletke tehdit salghuchilargha tégishlik jawab qayturush üchün, xelqni 31-marttiki yerlik saylamlarda puqraliq burchini ada qilishqa chaqirimen, dédi.
erdoghan yene: bu milletning eng muhim alahidiliki béshigha shunche éghir külpet kelsimu, her qétim ornidin des turalishidur, dédi.
