türkiye « Boeing 737 MAX » tipliq ayropilanlarning uchushini toxtatti

türkiye awazi radiyosi xewiri: türkiye qatnash we ul eslihe qurulushi ishliri ministirliqi « Boeing 737 MAX 8  » we « Boeing 737 MAX 9 » tipliq ayropilanlarning uchush seperlirining, uchush bixeterlikini kapalet astigha élish üchün, ikkinchi bir qarar chiqirilghangha qeder toxtitilghanliqini jakarlidi.

ministirliq teripidin bu heqte élan qilinghan bayanatta, chet ellerde 5 ay ichide  « Boeing 737 MAX 8  » yaki « Boeing 737 MAX 9 » tipliq ayropilanlar yoluquwatqan ikki türlük qazaning seweblirining,  qatnash we ul eslihe qurulushi ishliri ministirliqi puqrawi awiyatsiye bash idarisi teripidin analiz qilinghanliqi tekitlinip mundaq déyildi: «analiz netijiside < Boeing 737 MAX 8  > yaki < Boeing 737 MAX 9 > tipliq ayropilanlarning uchushliri, uchush bixeterlikini kapalet astigha élish üchün, ikkinchi bir qarar chiqirilghangha qeder toxtitildi.»

bu heqte türkiye hawa yolliri shirkiti axbarat wasitiliri meslihetchiliki teripidin élan qilinghan bayanatta, uchush we yoluchilarning bixeterlikining herdaim muhimliqi tekitlinip mundaq déyildi: «türkiye hawa yolliri shirkiti qarmiqidiki 12 dane < Boeing 737 MAX > tipliq ayropilanlarning uchushliri, 13 – marttin bashlap ikkinchi bir qarar chiqirilghangha qeder toxtitildi.»