türkiye somalidiki térrorluq hujumini eyiblidi
türkiye tashqi ishlar ministirliqi bügün (1-mart) somali paytexti muqdishuda yüz bergen térrorluq hujumini eyiblidi.
türkiye awazi radiyosi xewiri: türkiye tashqi ishlar ministirliqi somali paytexti muqdishuda yüz bergen térrroluq hujumini eyiblep bayanat élan qildi. bayanatta, muqdishudiki térrorluq hujumida nurghun kishining jénidin ayrilghanliqi we yarilanghanliqi heqqidiki xewerdin intayin qayghurulghanliqi qeyt qilindi. bayanatta mundaq déyildi:
«bu qanliq hujumni qattiq eyibleymiz, hujumda jénidin ayrilghanlargha allahtin rehmet, yarilanghanlargha shipaliq tilesh bilen birge, dost we qérindash somali hökümiti bilen somali xelqige sewr tileymiz» déyildi.
somali paytexti muqsishudiki bir méhmansaraygha aptomobil bomba bilen hujum qilish weqesi yüz bérishi we saqchilar bilen térroristlar arisida étishish chiqishi netijiside 29 kishi jénidin ayrildi. somali saqchi dairiliri bu qétimqi térrorluq hujumida eng az dégende 40 kishining yarilanghanliqini bildürdi.