«2019-mawi weten» manéwiri 2-künige qedem qoydi
türkiye jumhuriyiti tarixida tunji qétim ana wetenni qorshap turidighan üch déngizda birla waqitta 103 herbiy paraxotning qatnishishi astida ötküzülgen «2019-mawi weten» manéwiri dawam qilmaqta.
türkiye awazi radiyosi xewiri: türkiye armiye qomandanliq ishtabining yilliq manéwir pirogrammisi ramkisida déngiz armiye qomandanliq ishtabi teripidin pilan qilinghan we 8-martqiche dawamlishidighan bu qétimqi manéwir, birla waqitta qara déngiz, ege we sherqiy aqdéngizdin ibaret üch déngizda tunji qétim ötküzülgen herbiy manéwir hésablinidu.
manéwirgha qatnashturulghan paraxotlar, teqlid telipi boyiche éniq bolmighan tehditlerge qarshi térrorist qolwaq we hawa apparatlirini bitchit qilip, qoyulghan ménalarni tazilighan «ména owlash» paraxotining bashchiliqida porttin chiqti. paraxotlar pash qilinghan su asti paraxotini, su asti paraxotini qoghdash urushi telim-terbiyesi dairiside izdep tépip, pachaqlap tashlidi.
heriket pilanlash musapiliri we pilanlar, milliy we yerlik usulda tereqqiy qildurulghan déngiz urushi oyuni sistémisida sinaq qilinghan halda, manéwirning kompiyutérda kontrol qilinishimu emelge ashuruldi.
«2019-mawi weten» manéwiri, su üsti urushi, hawa tewelikini qoghdash urushi, su asti paraxotini qoghdash urushi, ména urushi, éléktironluq urush, su üsti hawa apparatlirini étip chüshürüsh we déngizda tekshürüsh herikitini öz ichige alghan heriketke teyyarliq telim-terbiyesi, shundaqla hawa armiyesi qomandanliq ishtabining taktikiliq yardemliri, asmanda axbarat yetküzüsh we kontrol qilish ayropilani, quruqluq armiye qomandanliq ishtabining hujum qilish we omumiy meqset üchün ishlitilidighan tik ucharlirining qatnishishi astida dawam qilmaqta.
