erdoghan: zalimlargha süküt qilip turmighanliqimiz üchün bizge düshmen bolushti
erdoghan: «tünügünki türk bügünmu oxshashla türk, düshmenlirimu oxshashla düshmen. ornimizda jim türiwergen kün, chékinishke bashlighan künimiz bolidu» dédi.
türkiye awazi radiyosi xewiri: jumhur reis rejep tayyip erdoghan zalimlargha süküt qilmighan türkiyeni térrorluq arqiliq bulunggha qistimaqchi bolghanlargha tétighudek ders bérip qoyghanliqini we ders bérishni dawamlashturidighanliqini tekitlidi.
erdoghan kastamononing küzeykent meydanida xelqqe xitab qildi.
erdoghan nutuqida, térrorluqqa qarshi küresh üstide toxtilip, yéqinqi yillardin buyan bölgünchi térrorluq teshkilati p k k gha, fethullachi térrorluq teshklatigha oxshash suyiistémalchi teshkilatlargha we daéshqa oxshash bashqilarning layihe teshkilatlirigha qarshi netijilik küresh qiliwatlanqiliqini éytti.
erdoghan mundaq dédi:
«17 yilliq hökümitimiz daim mushulargha qarshi küresh qilish bilen ötti. bösop ötken her tosalghudin kéyin, yéngi - yéngi tosalghulargha uchriduq. dölitimizni we millitimizni daim biaram qilishti. ular bizni bulunggha qistighansiri biz millet bolush süpitimiz bilen birlikimizni téximu mustehkemliduq. dölet bolush süpitimiz bilen téximu kücheyduq»
erdoghan tashqi piriwut bahasi we ösüm arqiliq türkiyeni bulunggha qistimaqchi bolghanlargha bolsa, yolgha qoyghan tedbirliri arqiliq yaxshi ders bérip qoyghanliqini bildürdi. iqtisadta tedbilerni yolgha qoyushni dawamlashturidighanliqini tekitlep, «türkiye üstidin qurulghan pilanlar ilgiri qandaq bolghan bolsa, hazirmu shundaq bolmaqta. chünki türk bügünmu oxshashla türk, düshmenlirimu oxshashla düshmen. ornimizda jim türiwergen kün, chékinishke bashlighan künimiz bolidu» dédi.
erdoghan tüzülgen sinariyelerni buzup tashlap, türkiyening kelgüsini roshenleshtürgenlikini tekitlep, «bizge shunga düshmen bolushti. millitimiz bilen birge bolghanliqimiz we dölitimizni tik turghuzghanliqimiz üchün düshmen bolushti. zalimlargha süküt qilip turmighanliqimiz, adaletsizliklirini udul yüzlirige urghanliqimiz üchün bizge düshmen bolushti. iqtisadimizdini kücheytkenlikimiz we oyunlarni büzup, kelgüsimizni roshenleshtürgenlimiz üchün bizge düshmen bolushti. biz duch kelgen bu düshmenliklerni xelq we milletning neziride bigunahliqimizning shahedetnamisi dep qaraymiz» dédi.
