amérika armiye bash ishtab bashliqi dunford yashargüler bilen körüshti
amérika armiye bash ishtab bashliqi général joséf dunford türkiye armiye bash ishtab bashliqi général yashar güler bilen téléfonda körüshti.
türkiye awazi radiyosi xewiri: dunfordning yashar güler bilen ötküzgen téléfon söhbitide süriyening bixeterlik weziyiti muzakire qilindi.
amérika armiye bash ishtab bayanatchisi polkawnik patrik raydér söhbet heqqide élan qilghan bayanatida, «ikki dölet qomandanlirining süriyediki bixeterlik mesilisini hel qilish we térrorluq teshkilati daéshning tel - töküs meghlup qilinishini ashqa ashurush üchün amérika bilen türkiye otturisidiki hemkarliqning muhimliqini muzakirileshti» déyildi.
türkiye bilen amérikining nato ittipaqdashliri bolush süpiti bilen uzun yilliq ötmüshke ige herbiy munasiwetlerdin paydilinishni dawamlashturidighanliqini alahide tekitligen polkawnik patrik raydér, général dunfordning «amérika türkiyening bixeterlikige dair bergen wedilirini yéngilidi» dégenlikini bildürdi.
général dunford amérika pirézidénti donald trampning süriyedin chékinish heqqide bergen yol yuruqini muzakirilishish üchün dékabirda enqerege kelgen bolup, mensepdishi général yashar güler we dölet mudapie ministiri xulusi aqar bilen körüshken idi.
dunford aldinqi heptimu bélgiyening paytexti biryussélde shimaliy atlantik ehdi teshkilati (nato) armiye bash ishtab bashliqliri yighinida, yashar güler bilen ayrim söhbet ötküzgen idi.
