erdoghan: türkiye xelqaraliq meblegh salghuchilargha nisbeten bixeter port bolushni dawamlashturmaqta
jumhur reis rejep tayyip erdoghan, türkiyening xelqaraliq meblegh salghuchilargha nisbeten ishenchlik bir port bolushni dawamlashturidighanliqini eskertti.
türkiye awazi radiyosi xewiri: jumhur reis erdoghan, manisada 1109 ademge emgek pursiti yaritip bergen ikki xususiy igilikidiki saheler sélinmisini xizmetke kirishtürüsh murasimigha qatnashti.
yéqinqi 16 yilda türkiyege biwasite sélinghan chet el sélinmisi omumiy miqdarining 202 milyard dollargha yetkenlikini bildürgen erdoghan, sherqiy jenubiy anadolu rayonidiki wilayetlerningmu bu sélinmilardin nésiwisini alidighanliqini eskertti.
2018 - yilidiki168 milyard dollarliq éksport rékortigha isharet qilghan erdoghan, 2019 – yilidiki nishanning 200 milyard dollar ikenlikini qeyt qildi. u, türkiye yéqinqi 5 -6 yil ichide duch kelgen mesililerni tilgha aldi we yawropaning bu mesililerge tutqan pozitsiyesini eyiblidi.
erdoghan sözini dawamlashturup, «besh yil burun sodigerlirimizning dukanlirini bolang – talang qilghan, saqchilirimizgha oq chiqarghan, bomba atqan, kochilargha ot qoyup weyran qilghan buzghuchilargha qarita bizni démokratik bolushqa chaqirghanlar, bügün téximu dar dairilik weqelerge qarshi etrapni bashlirigha kiyishmekte» dédi.
türkiyening xelqaraliq meblegh salghuchilargha nisbeten bixeter port bolushni dawamlashturidighanliqini eskertken erdoghan, démokratiyedin, qanun dölitidin we erkin bazar iqtisadidin waz kechmestin tereqqiyat seperlirini dawamlashturidighanliqlirini sözlirige ilawe qildi.
