erdoghanning sudanda uniwérsitét échish wedisi ishqa ashti
jumhur reis rejep tayyip erdoghanning sudanda uniwérsitét échish wedisi, sehiye bilimliri uniwérsitéti teripidin «sudan niyala sehiye xizmetliri aliy mektipi» dégen nam bilen ishqa ashuruldi.
türkiye awazi radiyosi xewiri: sehiye bilimliri uniwérsitéti teripidin élan qilinghan bayanatta, erdoghanning (aldinqi yili 24 – dékabirdin 25 – dékabrighiche bolghan ariliqta) sudan xartum uniwérsitétida sözligen nutiqida, sehiye biilmliri uniwérsitéti teripidin sudanda uniwésitét échishqa wede bergenliki eskertildi.
bayanatta, sehiye bilimliri uniwérsitéti sudan niyala sehiye xizmetliri aliy mektipining sudan pirézidénti ömer el beshirning échilish lintisini késishi bilen xizmetke kürüshtürülgenliki bildürüldi.
ömer el beshir échilish murasimida qilghan sözide, mektepning sudanning sehiye maaripi éhtiyajini qamdashta muhim rol oynaydighanliqini tekitlep, sudan xelqige qilghan yardemliri üchün jumhur reis rejep tayyip erdoghangha, türkiye xelqige we hökümitige chongqur mennetdarliqini bildüridighanliqini éytti.
sehiye biilmliri uniwérsitéti afriqa xizmetliri, tetqiqat we emeliy ijra qilish merkizi mudiri piroféssor doktor hesen huseyin ekbermu aliy mektepning meqsitining téximu iqtidarliq sehiye xadimlirini yétishturup chiqishqa töhpe qoshush ikenlikini qeyt qildi.
sudanda échilghan sehiye xizmetliri aliy mektipining mudiri we oqutquchisi mesut ikiz bolsa, mektepning 2018 – we 2019 – oqush uqutush yili munasiwiti bilen ders bashlap bolghanliqini éytti.
