erdoghan paragway pirézidénti bilen körüshti

türkiye awazi radiyosi xewiri: ikki rehberning paytext asunsiyondiki tarixiy hökümet binasi lopéz sariyida ayrim we heyetler ara uchrishishidin kéyin qoshma metbuat bayanati élan qilindi؛ bayanatta, bénitéz, tunji qétim bir türk pirézidéntining paragwayda ziyarette bolghanliqini, shu wejidinmu bu ziyaretke alahide ehmiyet béridighanliqini bildürgenliki eskertildi.

«pirézidéntlar, ikki dölet arisidiki diplomatik munasiwetlerning barghanche küchiyiwatqanliqi, bu dairide enqerede we asunsiyonda özara diplomatik wakaletxanilarning échiliwatqanliqi, türkiye jumhuriyitining paragwayda turushluq tunji bash elchisi armaghan inji ersoyni teyinlishi sayisida döletler arisidiki démokratik munasiwetlerning kücheygenliki qatarliqdin memnun bolghanliqlirini tilgha élip ötüshti» dégen ibarilerge orun bérilgen bayanatta, erdoghan bilen bénitézning, ikki terep munasiwetlirining küntertipdiki mesililer toghrisida sözleshkenliki qeyt qilindi.

bayanatta, «maarip, kültür, pen – téxnika, yashlar we tenterbiye saheliri boyiche hemkarliq ornitish ramka kélishimi» bilen «diplomatik telim – terbiye boyiche hemkarliq ornitish kélishimi» ning eng qisqa waqit ichide imzalinishi toghrisida birdeklik hasil qilinghanliqigha dair uchurlargha orun bérildi, ikki terep soda munasiwetlirining chongqurlishishining muhimliqini tekitligen rehbeler, sélinmilarni özara kücheytishning zörüriyitinimu tekitlep ötti» déyildi.

lidérlarning ikki dölet otturisidiki soda hemkarliqi kélishimi dairiside qurulghan qoshma iqtisad komitétining tunji nöwetlik yighinining 2019 – yilining deslepki yérimida ötküzülüshining muwapiq bolidighanliqini eskertkenliki toghrisidiki uchurlarghimu orun bérilgen bayanatta, ikki pirézidént éqim mesililiri we özliri turuwatqan rayonlar duch kéliwatqan térrorizm we chégra halqighan jinayi qilmishlargha qarshi küresh qilish boyiche köp tereplimilik hemkarliq ornitishning ehmiyiti tilgha alghanliqi qeyt qilindi.