dölet rehberliri oqutquchilar bayrimini tebriklidi
dölet rehberliri 24-noyabir oqutquchilar bayrimi munasiwiti bilen oqutquchilarni tebriklidi.
türkiye awazi radiyosi xewiri: jumhur reis rejep tayyip erdoghan 24-noyabir oqutquchilar bayrimi munasiwiti bilen pütkül oqutquchilarning bayrimini tebriklidi.
erdoghan oqutquchilarning kélechekning berpa bolushida muhim oynaydighanliqini bildürüp, ulargha chongqur rehmet éytti.
erdoghan mundaq dédi: «24-noyabir oqutquchilar bayrimi munasiwiti bilen, türkiyeni tereqqiy tapqan we qudretlik sewiyege yetküzüsh yolida eng zor küch serp qiliwatqan, yashlirimizning kélechikini berpa qilishta muhim rol oynawatqan oqutquchilirimizgha millitim we dölitimiz namidin chongqur rehmet éytimen, qelbimizning töride alahide orni bolghan oqutquchilirimizgha hemmimizning minnetdarliq bildürüsh qerzi bar.»
türkiye büyük millet mejlisi bashliqi binali yildirimmu oqutquchilarning bayrimini tebriklidi.
binali yildirim mundaq dédi: « balilar we yashlarni wijdanning rehberlikide erkin chüshenche, erkin irade we erkin irpan bilen terbiyeliwatqan oqutquchilargha rehmet éytimen.»
yildirim yene: bügün perzentlirimizni hayat we jemiyetke teyyarliwatqan oqutquchilirimizgha minnetdarliqimizni yetküzüwalidighan muhim pursettur. kélechekimizning kapaletchisi bolghan perzentlirimizge qan ter serp qilip ilim bergen oqutquchilar millitimizning bayliqidur. oqutquchilirimizning 24-noyabir oqutquchilar bayrimini qizghin tebrikleymen, dédi.
maarip ministiri ziya selchukmu oqutquchilarning bayrimini tebriklidi.
ziya selchuk mundaq dédi: «söygü, ilim we sewr bilen insan terbiyeleydighan, her qandaq qiyinchiliqta oqutquchiliqidin pexirlinidighan jasaretlik we emgekchan oqutquchilirimizning bayrimini qizghin tebrikleymen.»
