türkiye jumhuriyitining qurghuchisi atatürkning arimizdin ayrilghinigha 80 yil boldi
türkiye jumhuriyitining qurghuchisi mustapa kamal atatürkning arimizdin ayrilip qalghanliqining 80 – yilliqini xatirilesh küni munasiwiti bilen meliketning we dunyaning herqaysi jaylirida türlük murasimlar arqiliq paaliyetler ötküzülmekte.
türkiye awazi radiyosi xewiri: 1938 – yildin buyan her yilqigha oxshashla bu yilmu saet 9 din 5 minut ötkende signallarning chélinishi bilen teng hörmette turuldi, memliketning herqaysi jayliri chongqur sükütke chömdi.
paytext enqerede atatürkni xatirilesh murasimlirining tunji adrési atatürk xatire sariyi idi.
jumhur reis rejep tayyip erdoghan bashchiliqidiki aliy derijilik rehberlerdin teshkil tapqan heyet, atatürkning qebrisige gülchembirek qoydi, hörmette turdi.
erdoghan atatürk xatire sariyining mexsus deptirige mundaq dep yazdi: «musteqilliq urushimizning bash qomandani we jumhuriyitimizning qurghuchisi bolghan hörmetlik atatürk! sizning arimizdin ayrilip qalghanliqingizning 80 – yilliqini xatirilesh munasiwiti bilen sizni yene bir qétim chongqur hörmet we cheksiz iptixarliq tuyghusi ichide yad étiwatimiz. siz we eziz shéhitlirimiz bizge qaldurup ketken we <muqeddes amanat> hésablinidighan türkiye jumhuriyitini dölet ichi-sirtidiki bedbexlerning hujumlirigha qarimay jan tikip qoghdawamiz, hemde dunya boyiche eng küchlük we eng bayashat döletlerdin birige aylandurush nishanini boylap, ghelibiséri algha ilgirilewatimiz, biz jumhuriyitimiz qurulghanliqining 95 0 yilliqigha béshghishlap ishqa kirishtürgen <istanbul ayrodurumi> xelqimizning iptixarliq aibidisi süpitide tarix sehipisidin menggülük orun aldi, yatqan yéringiz jennet bolghay!»
istanbuldiki mustapa kamal atatürkni xatirilesh paaliyetlirining merkizi bolsa, atatürk bu dunya bilen widalashqan «dolmabahche sariyi» idi.
qéri – yash, chong – kichik, er – ayal yüzlerche kishi türkiye bayriqini lepildetken halda «dolmabahche sariyi» gha bérip, mustapa kamal atatürkni eslidi hemde uninggha bolghan séghinishini ipadilidi.
memliketning herqaysi jayliridmu minglarche kishi türkiye bayriqini lepildetken halda mustapa kamal atatürkni eslesh üchün meydanlargha toplandi.
mustapa kamal atatürkni xatirilesh munasiwiti bilen ötküzülgen murasimlarda hörmette turuldi, «istiqlal marshi» oquldi.