ministir aqar liwiyede
dölet mudapie ministiri hulusi aqar liwiyede milliy muresselishish hökümiti bash ministirliq kéngishining bashliqi fayis esserraj bilen körüshti.
türkiye awazi radiyosi xewiri: paytext trablustiki mitiga ayrodurumida liwiye muawin dölet mudapie ministiri owhida abdullah najim, bash ishtab bashliqi birigada komandiri bdurrahman omran elewwele, türkiyening trablus bash elchisi ehmed aydin doghan we bashqa dairiler teripidin qarshi élinghan aqar, kéyinche bash ministirliq mehkimisige bérip, liwiye milliy muresselishish hökümitining bash ministirliq kéngishining bashliqi fayis esserraj bilen körüshti, hemde heyetler ara uchrishishlargha riyasetchilik qildi.
liwiye milliy muresselishish hökümitining ichki ishlar ministiri fethi eli abdussalam bilenmu bir yerge jem bolghan aqar, kéyinche liwiye döletlik éli kéngishining bashliqi xalid elmishri bilen körüshti.
uchrishishlarda, türkiye – liwiye otturisidiki dölet mudapiesi we herbiy sahelerde hemkarliq ornitish hemde rayonluq mesililer heqqide muzakire élip bérildi.
bash ishtab bashliqi général yashar güler, türkiye hemkarliq we maslashturush idarisining bashliqi serdar cham, türkiyening liwiye alahide wekili, qoshumche adalet we tereqqiyat partiyesi enqere parlamént ezasi emrullah ishler, adalet we tereqqiyat partiyesi rehbiri meslihetchisi yasin aqtay qatarliqlarmu liwiye ziyaritide hulusi aqargha hemrah boldi.
