erdoghan malazgirt zepiri heqqide intayin tesirlik söz qildi

türkiye awazi radiyosi: jumhur reis rejep tayyip erdoghan bitlisning axlat nahiyeside malazgért zepirining 947 – yilini xatrilesh pirogrammisigha qatnashti.

erdoghan xelqqe qilghan sözide, «malazgirt؛ ilgirikige chaghlargha qaraydighan bolsaq, mekke we quddus dégenlik bolidu. kéyinchi chaghlargha qarighinimizda, bursa, edirne, istanbul, rumeli we pütün balqanlar dégenlik bolidu. malazgirt ruhini untidighan bolsaq, ne ilgiriki ötmishimiz qalmaydu, ne kéyinkisi. biz malazgirtta zadi qandaq millet ikenlikimizni pütün alemge élan qilghan iduq» dédi. 

anadoluning goya su tosmisi ikenlikini bildürüp, «bu tosma yiqilidighan bolsa, ne uttura sherq qalmaydu, ne ottura asiya qalmaydu, ne balqanlar qalmaydu, ne kawkazlar qalmaydu» dédi.

erdoghan axlatta 10 kiwadirat kélométirliq bir meydanda, 1071 kiwadirat métirliq bir olturaq chédir rayoni yasaydighanliqini bildürdi.

jumhur reis rejep tayyip erdoghan xatirilesh paaliyetliri dairiside hemrahliqidiki ministirlar bilen birge axlat nahiyesidiki seljuqiylar mazarliqini ziyaret qildi.

erdoghan u yerdimu xelqqe xitab qildi we 2023-, 2053 – we 2071 – yillarning tolimu muhimliqini tekitligen halda birlik we barawerlikning ehmiyiti üstide toxtilip, «bir – biringlarni söyünglar! qetiy adawet tutmanglar! özara ayrimchiliq girdabigha chüshmenglar!» dep jikilidi.

türkiye büyük millet mejlisi (parlaménti) bashliqi binali yildirimmu söz qilip, «bizning birlikimizni buzushqa tirishidighanlar bilip qoysunki, yiltimiz shu qeder mustehkem ikenki, birlikimizni buzushta qetiy utuqqa érishelmeydu» dédi.

binali yildirim türkiyede iqtisadiy aghdurush heriketliri we 15 – iyuldikige oxshash xainliq heriketlirining qetiy netijige érishelmeydighanliqini éytti.

binali yildirim türkiyege tehdit salmaqchi bolghanlargha her daim oxshash derijide tégishlik jawab qayturulghanliqini eskertti.

seljuqiylarning soltani alparslan 1071 – yili 26 – awghust künide, mustiki malazgirt yayliqida wizantye eskerlirini meghlup qilghan we anadoluning derwazilirini türklerge achqan idi.