erdoghan malazgirt zepiri we zeper heptisi munasiwiti bilen bayanat élan qildi
jumhur reis rejep tayyip erdoghan 1071 – yili 26 – awghust malazgirt zepiri we 26 – awghust zeper heptisi munasiwiti bilen ayirm ayrim bayanat élan qildi.
türkiye awazi radiyosi: erdoghan ichki – tashqi düshmenlerdin kéliwatqan hujumlargha qarimastin xelqning ming yildin buyan bu zéminda put térep turalishining siri malazgirt ruhi ikenlikini tekitlidi.
erdoghan anadoluning ebediy weten bolushini ishqa ashurghan malazgirt zepiri qolgha kelgen shundaqla musteqilliq küreshlirimizning muhim bir burulush nuqtisi hésablinidighan chong hujum, zeper bilen netijilengen awghust éyining axiriqi heptisini alahide ghurur we iptixar bilen qutluqlaydighanliqini bildürüp, «eziz millitimizning 1071 – yili bashlighan shanliq yürishliri, duch kelgen barliq qiyinchiliqlargha qarimastin utuqqa érishkendin kéyin, jumhuriyitimizning qurulushi bilen tajlanduruldi. 30 – awghust küni <ya musteqilliq, ya ölüm> dégen tallashqa yalghuz duch kelgen bir milletning qandaq utuqlarni qolgha keltüreleydighanliqini shundaqla musteqilliqi we ghururi üchün némilerge tewekkül qilalaydighanliqini pütün dunyagha jakarlanghan kün boldi» dédi.
erdoghan malazgirt zepiri heqqidiki sözide, «oxshimasliqlirimizgha qarimastin, birlikimizni qoghdashni mumkin qilghan bu ruhimiz mewjutla bolidiken, dölitimizni 2023 - yilliq nishanlirigha, 2053 – yilliq we 2071 – yilliq ghayilirige yétishtin héch kishi tosup qalalmaydu» dédi.
erdoghan 2016 – yili 15 - iyuldiki herbiy – siyasiy özgirish qozghashqa urunush herikitidimu malazgirt ruhining özini namayan qilghanliqini alahide tekitlidi.
erdoghan zeper heptisi heqiqdiki sözide birlik we barawerlikni jikilep, «iqtisadi we siyasiy musteqilliqimizgha qiliniwatqan hujumlargha qarshi namayan qilghan barawerlikimiz, millitimizning öz iradisige ige chiqishtiki qetiy iradisini dawamlashturiwatqanliqini körsitip bermekte» dédi.
مۇناسىۋەتلىك خەۋەرلەر
türkiye-girétsiye söhbet yighini istanbulda chaqirildi
türkiye-girétsiye «berpachi küntertip diyalogi»ning 6-qétimliq yighini istanbulda ötküzüldi.