térrorchilargha üzlüksiz zerbe bérilmekte
türkiye armiyesi teripidin osmaniye, shirnak we diyarbekir etrapida élip bérilghan hawa herikitide bölgünchi térrorluq teshkilati p k k ezasi 17 térrorist ujuqturuldi.
türkiye awazi radiyosi xewiri: türkiye armiye bash ishtabidin élan qilinghan bayanatta, osmaniye, shirnakning beytushshabab we diyarbakirning kulp nahiyeliri etrapida térrorchilargha qarshi hawa herikiti élip bérilghanliqi we heriket netijiside 17 térrorchining ujuqturulghanliqi bildürüldi.
shirnakning beytushshabab nahiyeside yaridar halette qolgha chüshken térrorchilardin birsining mexpiy ismining mehmet goyi we atalmish kelmehterter fironti mesuli qediri bayram ikenliki éniqlandi.
rayonda térrorchilargha tewe «M16» tipliq miltiq, aptomat, yerlik usulda yasiwélinghan partlatquch, 2 kichik küp we 2 somkidin bashqa yene, nurghun sanda turmush buyumliri qolgha chüshürüldi.
bitliste 28 – iyundiki heriket jeryanida ujuqturulghan térrorchilardin birsining qizil tashliq tutush tizimlikige kirgüzülgen térrorluq teshkilati p k k/ k j k ning atalmish garzan ölkisi mesuli sefer ajar ikenliki éniqlandi.
ichki ishlar ministiriliqidin élan qilinghan yazma bayanatta, ajarning 1998 – yili iraqning shimalidiki herbiy heriket jeryanida «Skorsky» tipliq zhandarma tik uchar ayropilanining chüshürüwétilishige we 15 eskerning shéhit bolushigha seweb bolghan térrorluq hujumining jawabkari ikenliki qeyt qilindi.
sefer ajardin chiqqan xatiride, «chüshürüwétilgen tik uchar uchquchisining yénidin alghan bir parchidur. 1998 – yili 11 – ayni 27 – küni.» dep yézilghanliqi we 1998 – yilida tarqitip bérilgen 500 ming lirani hujumning xatirisi süpitide 20 yildin buyan saqlap kéliwatqanliqi éniqlandi.
térrorchi sefer ajar qoralliq térrorluq teshklatigha eza bolush, bashqilarni erkinlikidin mehrum qilish, qesten adem öltürüsh, döletning birliki we bir pütünlükini buzush, xeterlik maddilarni ruxsetsiz saqlash we yötkesh, dölet muessiiselirige ziyan sélish, türkiye jumhuriyiti hökümitini aghdurush yaki wezipisige tosalghu bolushqa urunush qatarliq 18 xil jinayiti tüpeyli tutush buyruqi chiqirilghan idi.
مۇناسىۋەتلىك خەۋەرلەر
türkiye ghezzege dawamliq insanperwerlik yardimi qilmaqta
türkiyening ghezzege qilghan omumiy insanperwerlik yardimi 52 ming tonnidin ashti.