allah türkiyege qilinghan dualarni jawabsiz qaldurmaydu
türk qizilay jemiyiti sénégal paytexti dakar, kona paytext saint luys, matam we podor sheherliride yashaydighan 7 ming ailige yémek-ichmek tarqatti.
türkiye awazi radiyosi xewiri: türk qizilay jemiyiti sénégaldiki kembeghel aililerge yardem qolini sozdi. dunya yémek-ichmek teshkilatining 2017-yildiki melumatlirigha asaslanghanda, acharchiliq sewiyeside bolghan matam shehiridiki yardem paaliyitige, sheher bashliqi mamado diyaw we jamaet erbabliri qatnashti.
sheher bashliqi diyaw türk qizilay jemiyitige teshekkür éytti we yéqinqi yillarda türkiyedin kelgen yardemler bilen mohtajlarning yüzi külgenlikini bildürdi. u matam shehiride nurghun kembeghel aililerning barliqini eskertip: "dunyaning qeyiride kembeghel bolsa, türk xelqi u yerge yardem qolini sozidu. türkiye üchün qilinghan dualarni allah jawabsiz qaldurmaydu" dédi.
türk qizilay jemiyitini sénégaldiki guruppa bashliqi suat chitlak bundin kéyinmu sénégalgha yardem yetküzüshni dawamlashturidighanliqlirini bildürdi.
