erdoghan papa bilen körüshti
dölitimiz jumhur reisi rejep tayyip erdoghan katoliklarning ruhani rehbiri papa fransiskus bilen téléfonda körüshti.
türkiye awazi radiyosi xewiri: türkiye jumhur reislik sariyi menbeliridin élinghan melumatlargha asaslanghanda, körüshüshte, yehudiylar, xiristiyanlar we musulmanlar muqeddes dep bilidighan quddusning nöwettiki weziyiti we ghezzede pelestinlik namayishchilarning hujum nishani bolushi netijiside otturigha chiqqan yirikchilikler muhakime qilinghan.
jumhur reis rejep tayyip erdoghan üch samawi din üchün muqeddes hésablinidighan quddusning salahiyitige xilapliq qilishning qobul qilinmaydighanliqini eskertip, ghezzede qolida tömürning sunuqimu bolmighan pelestinliklerge qilinghan insaniyetke xilap hujumlar we yüz bergen ölüm-yétim hadisilirining nomus qilarliq ikenlikini bildürgen.
u 18-may türkiye nöwetchi reisi bolush süpitide istanbulda islam hemkarliq teshkilatining pewquladde yighinini chaqiridighanliqini, b d t dimu mesilini nazaret qilishining muhim ige ehmiyetke ikenlikini tekitligen.
papa fransiskus yüz bergen weqelerdin chongqur qayghuruwatqanliqini bildürüp , tinchliq üchün quddusning alahide orungha ige bolidighan ikki döletlik hel qilish charisining shert ikenlikini tekitligen.
papa fransiskus bigunah kishilerni hujum nishani qilishni we kishilerning hayatini qestleshni qobul qilghili bolmaydighanliqini tekitlep: "xelqaraliq jemiyetning mesilining hel qilinishi üchün b d t bashchiliqida qilishqa tégishlik ishlarni qilishi kérekliki" ni bildürgen.
papa axirida, ramizan éyi munasiwiti bilen jumhur reis rejep tayyip erdoghangha yaxshi tileklirini yetküzgen.
مۇناسىۋەتلىك خەۋەرلەر
süriye we iraqning shimalida térrorchilargha zerbe bérildi
süriye we iraqning shimalida bölgünchi térrorluq teshkilati p k k ezasi 3 térrorchi yoqitildi.
