türkiye – rusiye – iran üch terep yighini
«süriye» témiliq türkiye – rusiye – iran üch terep bashliqlar yighini bügün paytext enqerede chaqiliridu.
türkiye awazi radiyosi xewiri: jumhur reis rejep tayyip erdoghan, rusiye pirézidénti wiladimir putin we iran pirézidénti hesen ruhani ishtirak qilidighan yighin jumhur reislik sariyida chaqirilidu.
diplomatik menbelerning bildürüshiche, tünügün yuqiri derijilik rehbiriy kadirlar bir yerge jem bolup, yighindin kéyin élan qilinishi pilanlanghan ortaq bayanname toghruluq xizmet ishligen bolup, bayannamede, süriyediki mewjut urush toxtitish paaliyetlirini dawamlashturush, süriyening zémin pütünlükini qoghdash we süriyening herqaysi jayliridiki urush toxtitish kélishimlirige xilapliq qilish qilmishliri qatarliq buningdin burunqi bayannamilerde birdeklik hasil qilinghan mesililerning aldinqi pilangha qoyulushi kütülmekte iken.
melumatlargha qarighanda, yighin dairiside ishqa ashurulidighan yuqiri derijilik rehbiriy kadirlar uchrishishida, süriye mesiliside qandaq qedemlerning tashlinishigha qarita ishtirakchi döletler sunidighan teklipler, bügün türkiye, rusiye we iran tashqi ishlar ministirliri yighinida sunulidiken.
tashqi ishlar ministiri mewlüt chawushoghlu, rusiye tashqi ishlar ministiri sérgéy lawrow we iran tashqi ishlar ministiri muhemmed jewad zarif yighinda bu tekliplerge qarap chiqidiken.
tashqi ishlar ministirliri yighinidin kéyin élan qilinidighan bayannamining, üch dölet rehberlirining testiqidin ötüshi؛ jumhur reis rejep tayyip erdoghan bilen iran pirézidénti hesen ruhanining üch terep bashliqlar yighini dairiside bir yerge jem bolushi kütülmekte iken.
yighin dairiside ishqa ashurulidighan uchrishishlarda, ikki terep munasiwetliridin sirt yene, rayonluq we xelqaraliq munasiwetler toghriliqmu özara pikir almashturulidiken.
