memliketning herqaysi jaylirida térrorchilargha ejellik zebe bérildi
türkiyening herqaysi jaylirida yéqinqi bir hepte ichide élip bérilghan herbiy heriketlerde 21 térrorchi bir terep qilindi.
türkiye awazi radiyosi xewiri: ichki ishlar ministirliqining bildürüshiche, 12 – marttin 19 – martqiche bolghan ariliqta bölgünchi térrorluq teshkilati p k k gha zerbe bérish meqsitide 1171 qétim herbiy heriket élip bérilghan, bu jeryanda 21 térrorchi bir terep qilinghan. bölgünchi térrorluq teshkilati p k k gha ait 76 panah jay we yer asti panahlinish orunliri bitchit qilinghan, 26 partlatquch pachaqlap tashlanghan.
buningdin bashqa yene, bu jeryanda térrorluq teshkilatliri p k k/daésh we fethullahchi térrorluq teshkilatigha qarshi élip bérilghan etkeschilik we zeher etkeschiliki heriketliride 5110 kishi tutulghan, térrorluq teshkilatining tetür teshwiqatlirini élip barghan 297 kishining mesilisini qanun boyiche bir terep qilish üchün tekshürüsh bashlanghan.
