chanakkale déngiz zeper bayrimi munasiwiti bilen murasim ötküzüldi

türkiye awazi radiyosi xewiri: 18-mart shéhitlerni eslesh we chanakkale déngiz zepirining 103-yilliqi munasiwiti bilen chanakkalede murasim ötküzüldi.

jumhuriyet meydanida ötküzülgen murasimda hökümetke wakaliten dölet mudapie ministiri nurettin janikli, türkiye armiyesige wakaliten chanakkale boghuz we herbiy gazarma qomandani général mithat kemal algün, chanakkale waliysi orhan tawli we sheher bashliqi wekili adnan güler qatarliq zatlar atatürk xatire munarigha gül-chemberek qoyushti.

murasimda 21 top oqi étildi.

murasimda istiqlal marshi oqulghandin kéyin türkiye büyük millet mejlisi (parlaménti)teripidin 1994-yili 3972 –nomurluq qanun dairiside 253ming shéhit we chanakkalege bérilgen we üstige «chanakkaledin ötüsh mumkin emes»dégen xet yézilghan altun médalni  ministir janikli, waliy tawli, boghuz qomandani général algül we güler qatarliq zatlar jumhuriyet meydanidiki bayraqqa taqashti.  

türkiye putbol fédératsiyesi , türkiye waskitbol fédératsiyesi, türkiye walébol fédératsiyesi , galatasaray, beshiktash we fenerbahche qatarliq dangliq putbol komandiliri 18-mart chanakkale zepirining 103-yilliqi munasiwiti bilen bayanat élan qildi.