erzurumda 80 qanunsiz köchmen tutuldi
erzurumda qanunsiz yollar bilen türkiyege kirgen afghanistanliq we pakistanliq 80 qanunsiz köchmen tutuldi.
türkiye awazi radiyosi xewiri: erzurum wilayetlik jamaet xewpsizliki idarisi etkeschilik we teshkillik jinayetler bashqarmisi etretliri shimaliy sahil yoli boyidiki nenexatun rayoni bilen erzurum – aghri döletlik tash yoli boyidiki qarskapi shéhitgahliqi etrapida bir guruppa kishining piyade ilgirilewatqanliqidin xewer tapqandin kéyin derhal neq meydangha yétip bérip, afghanistanliq 68, pakistanliq 12 qanunsiz köchmenni qolgha chüshürdi.
aptobuslar bilen sheher merkizidiki gürjükapi we gölbashi saqchixanilirigha élip bérilghan köchmenlerge chay we yémek - ichmek ikram qilindi.
türkiyening herqaysi wilayetlirige élip bérilish üchün irandin qanunsiz yollar bilen türkiyege kirgüzülgen qanunsiz köchmenler resmiyetlirining tamamlinishidin kéyin chégradin qoghlap chiqirilish üchün öz dölitige qayturuwétish merkizige ewetildi.
مۇناسىۋەتلىك خەۋەرلەر
erdoghan sénégalning sabiq pirézidénti maki sal bilen körüshti
jumhur reis rejep tayyip erdoghan sénégalning sabiq pirézidénti maki sal bilen téléfonda körüshti.