«gollandiye biz bilen hepileshküche özining nomus qilarliq tarixigha nezer tashlishi shert»
bash ministir binali yildirim gollandiyening türkiye bilen hepilishishning ornigha özining nomus qilarliq tarixigha nezer tashlishining shert ikenlikini éytti.
türkiye awazi radiyosi xewiri: yildirim enqere soda - sanaetchiler uyushmisi teripidin chaqirilghan yighinda qilghan sözide, nöwette 1915 – yilqi weqeler toghruluq enqerege türlük bohtanlarni chaplap türkiye bilen hepilishiwatqanlarni hoshini yighip özlirining nomus qilarliq tarixigha nezer tashlishining shert ikenlikini tekitlep mundaq dédi: «türkiye nöwette bir tereptin tereqqiyatning eng yüksek sewiyesige yétish, xelqini bayashat hem parawanliq turmushqa ige qilish, yashliri bilen xanim – qizlirini ishqa orunlashturush yolida nahayiti zor tirishchanliq körsetse, yene bir tereptin, özining mewjudiyitini saqlap qélish yolida hayat – mamatliq küresh qilmaqta.»
milliy nishanlarning, döletning istiqbali yolida bezi nersilerdin waz kéchip, pidakarliq körsitish ikenlikini qeyt qilghan yildirim, bu nishanlargha yétish üchün aldi bilen birlik we barawerlikni qoghdashning shert ikenlikini eskertip mundaq dédi: «bizni bir yerge jem qilalighan küch néme? elwette, bayriqimizdur, dölitimizdur, xelqimizdur we 780 ming kiwadrat kilométirliq térrotériyemizdur. buning sirtdikiler bizning bayliqlirimizdur. yeni ereb, kord yaki bashqa bir étnik guruppidin bolushqa bir qarar qilalmaymiz, emma bu küchimizni birleshtürüp, dölitimizni qudret tapquzush bizge baghliqtur. derweqe, bizni birleshtürgen we gireleshtürgen bu qimmet ölchemlirimiz bu térrotériyede qanche esirler mabeynide bizge hakimiyet tikletküzgen qimmetlirimizdur.»
yildirim gollandiye awam palatasining ötken hepte 1915 – yilqi weqelerni «irqiy qirghinchiliq» dep qobul qilish toghruluq chiqarghan qararini tenqid qilip mundaq dédi: «gherblikler nöwette bizge nesihet qilishqa urunuwatidu. bizge <irqiy qirghinchiliq> bilen töhmet chaplap bizdin hésab élishqa tirishiwatidu. 1915 – yilqi weqelerni burmilap qandaqtur atalmish <ermeniy qirghinchiliqi> heqqide qararlarni chiqirip biz bilen hepilishiwatidu. ey gherblikler! siler bizdin hésab élish hem biz bilen hepilishishning ornigha özünglarning nomus qilarliq tarixinglargha birer qétim bolsimu nezer tashlishinglar shert. shundaq qilsanglar, kimning irqiy qirghinchiliq yürgüzgenlikini nahayiti roshen halda biliwalalaysiler. derweqe, mustemlikichilik, irqiy qirghinchiliq, qetliam qatarliqlarning hemmisi silerning génliringlargha ornap ketken. emma bizde undaq ish yoq. siler bundaq yalghan – yawidaqlar bilen özünglarni aware qilishning ornigha, aldi bilen, özünglarning ötmüshtiki nijis jinayi qilmishliringlarning hésabini béringlar, erkin insanlarni qulluqqa chüshürüsh sodisi bilen shughullinishtek insan qélipidin chiqqan jinayitinglarning hésabini béringlar, uzun yillar nurghun döletlerni mustemlike qiliwalghan jianiyitnglarning hésabini béringlar, qilche ikkilenmestin milyonlarche insanni qetl qilishtek jinayitinglarni hésabini béringlar. andin bizge bundaq bohtanlarni chaplisanglarmu hergiz kéchikmeysiler.»
