türkiye – afriqa elliri hemkarliq konféransi

türkiye – afriqa elliri 2 – nöwetlik ministirlar közdin kechürüsh hemkarliq konféransi istanbulda chaqirildi.

908998
türkiye – afriqa elliri hemkarliq konféransi

türkiye awazi radiyosi xewiri: tashqi ishlar ministiri mewlüt chawushoghlu türkiye bilen afriqa elliri ittipaqi birlikte ötküzgen konférans dairiside afriqa döletliri we afriqa elliri ittipaqidin köp sandiki ministirlar we afriqa elliri ittipaqi wekilliri bilen xatire süretke chüshti hemde bu yerde qilghan sözide, bolupmu afriqa döletlirini fethullahchi térrorluq teshkilati mesiliside agahlandurup mundaq dédi: «fethullahchi térrorluq teshkilati mektepler,  jemiyetler we karxanichilar teshkilatliri hem shirketlerning wasitiliri arqiliq dunyaning herqaysi jaylirida uwa yasighan bir térrorluq teshkilati bolup, dölet organlirigha soqunup kiriwélish arqiliq döletlerni kontirol qilishqa urunmaqta. tolimu epsuski, oxshimighan qitelerde hazirning özidila bezi döletlerning kontirolluqini tamamen qolgha kirgüzüwaldi.»

 u yene, hemmini fethullahchi térrorluq teshkilatigha qarshi segek bolushqa chaqirip mundaq dédi: «shu heqiqetni qetiy ésimizdin chiqiriwetmeslikimiz lazim؛ fethullahchi térrorluq teshkilati hergizmu türkiyege wekillik qilalmaydu.  jemiyetlirining ismining béshida türk ismini ishletkenlikliri üchün, ularni türkiyege wekillik qilamdikin dep oylap qalmanglar. ular türkiye bayriqi bilen türk ismini peqet rezil meqsetlirige yétish üchünla suyiistémal qiliwatidu.»

konféransta türkiye – afriqa elliri ara hemkarliqni yenimu kücheytishning chare – tedbirliri üstide muhakime élip bérilmaqta.

kéler yili türkiyede chaqirilidighan 3 – nöwetlik türkiye – afriqa elliri ittipaqi hemkarliq yighinigha teyyarliq basquchi hésablinidighan konférans, türkiyening afriqa elliri ittipaqigha istiratégiyelik hemrah bolushining 10 – yilida istanbulda ötküzülmekte.

igilinishiche, afriqa elliri ittipaqidin sirt yene, 19 afriqa dölitidin ministirlar we wekiller qatnashqan konféransta, türkiye – afriqa elliri ittipaqi otturisidiki hemkarliqni yenimu yüksek sewiyege yetküzüsh üchün tashlinidighan qedemler heqqide muhakime élip bérilmaqta iken.



مۇناسىۋەتلىك خەۋەرلەر