türkiye nato gha «zeytun shéxi» herbiy herikiti heqqide melumat berdi

türkiye awazi radiyosi xewiri: seyshenbe küni bélgiyening paytexti biryussélda chaqirilghan shimaliy atlantik ehdi teshkilati pewquladde yighinigha türkiyege wakaliten türkiyening nato da turushluq daimiy wekili bash elchi fatih jeylan, tashqi ishlar ministirliqi muawin meslihetchiliri we birigada générali derijilik bir herbiy heyet qatnashti.

nato menbelirining bildürüshiche, heyet yighinda, türkiye armiyesining süriyening afrin rayonida p k k / k j k / p y d – y p g we daésh térrorchilirini bir terep qilish, p k k/k j k/ p y d – y p g we daésh térrorchilirini yoqitish, dost we qérindash rayon xelqini bésim, zulum we zorawanliqtin qutquzush meqsitide élip bériliwatqan «zeytun shéxi» herbiy herikiti we qérindash rayon xelqini bésim we zulum – sitemdin qutuldurush meqsitide 20 – yanwar küni qozghighan «zeytun shéxi» herbiy herikitining muweppeqiyetlik halda dawamlishiwatqanliqini bildürgen.

herbiy heriketning birleshken döletler teshkilati ehdinamisining 51 – maddisi we xelqara qanungha uyghun halda dawamlishiwatqanliqini, herbiy heriketning peqet térrorchilarni bir terep qilishnila nishan qilidighanliqini, musapirlar éqinining otturigha chiqishining aldini élish üchün her jehettin tedbirlerning élinghanliqini eskertken heyet, enqerening süriyening zémin pütünlükige hörmet qilidighanliqi we bu mesilige intayin ehmiyet béridighanliqini, herbiy heriketning tehdit yoqalghangha qeder dawamlishidighanliqini tekitligen.

türkiyening shimaliy atlantik ehdi teshkilatidiki ittipaqdashliri bolsa türkiyeni qollap kéliwatqanliqlirini, buningdin kéyinmu shundaq qilidighanliqlirini eskertish bilen bir waqitta, rayongha insanperwerlik yardem buyumlirining yetküzülüshi mesilisige sezgür muamile qilishning zörürlükini tekitleshken.