erdoghan watikan ziyaritining ehmiyiti üstide toxtaldi
jumhur reis rejep tayyip erdoghan watikan ziyaritining xelqaraning diqqitini insaniy qimmet ölchemlirige burash we dostluq we tinchliq signalliri bérish nuqtisidin tolimu yaxshi purset ikenlikini bildürdi.
türkiye awazi radiyosi xewiri: jumhur reis rejep tayyip erdoghan watikan ziyaritini xelqaraning diqqitini insaniy qimmet ölchemlirige burash nuqtisidin tolimu yaxshi purset ikenlikini éytti.
jumhur reis erdoghan watikan ziyaritidin ilgiri atatürk ayrodurumida muxbirlarning soallirigha jawab berdi.
erdoghan mundaq dédi: «bu qétimqi watikan ziyaritimni xelqaraning diqqitini insaniy qimmet ölchemlirige burash, dostluq we tinchliq signalliri bérish nuqtisidin yaxshi purset dep qaraymen.»
papa firankiskus bilen körüshkende irqchiliqqa qarshi küresh mesilisi boyiche öz-ara pikir almashturidighanliqini éytqan erdoghan sözini dawamlashturup yene mundaq dédi: «papa bilen pelestin, quddus, süriye, iraq, térrorizimgha qarshi küresh, musapirlar mesilisi, musapirlargha yardem qilish qatarliq mesililer üstide kéngesh ötküzimiz. buningdin tashqiri gherb dunyasida bash kötürgen islam düshmenliki we medeniyet irqchiliqigha qarshi turush mesilisi boyichimu öz-ara pikir almashturimiz.»
türkiye-italiye munasiwiti üstidimu toxtalghan erdoghan: ikki dölet arisidiki soda omumiy sommisi bultur 20 milyard dollar boldi, eslide ikki dölet buningdinmu ashurup soda qilalaydighan küchke ige, 2020-yili 30 milyard dollargha yetküzüshni nishan qiliwatimiz, ziyaritim esnasida bu nishan dairiside konkrét ishlargha merkezlishimiz, dédi.
