papa jumhur reis erdoghanni qizghin qarshi aldi

türkiye awazi radiyosi xewiri: erdoghan üchün apostol sariyining aldida resmiy murasim ötküzüldi.

jumhur reis rejep tayyip erdoghan bilen repiqisi emine erdoghan san damaso derwazisining aldida watikan waliysi arxiépiskop jorj gawswéyn teripidin qarshi élindi.

qarshi élish murasimidin kéyin jumhur reis erdoghan papa frensis bilen körüshidighan jaygha ötti.

papa apostol sariyida méhmanlirini kütüwalidighan kutubxana zalidiki uchrishish harpisida jumhur reis erdoghanni ishik aldida qarshi aldi hemde «qizghin qarshi alghanliqingiz üchün köptin- köp rehmet» dégen erdoghangha, papamu ziyariti üchün rehmet éytti.

kéyinche jumhur reis erdoghan bilen papa frensis axbarat wasitilirining aldida qol éliship körüshken halda ayrim körüshidighan kutubxana zaligha ötti.

muxbirlarning süretke we widéogha élishidin kéyin, ikki rehberning söhbiti axbarat wasitilirigha yépiq halette dawamlashti.