türkiye rusiyedin térrorchi mihrach ural mesilisige izahat bérishni telep qildi
türkiye, térrorchi mihrach uralning sochi qurultiyi ishtirakchiliri arisida otturigha chiqishidin kéyin, rusiye tashqi ishlar ministirliqi we mudapie ministirliqliridin izahat bérishni telep qildi.
türkiye awazi radiyosi xewiri: tashqi ishlar ministirliqining sochi qurultiyini türkiyege wakaliten nazaret qiliwatqan resmiy heyiti, THKP-C aldirighuchilar térrorluq teshkilatining rehbiri shundaqla 2013 – yilidiki xatayning reyhanli nahiyeside yüz bérip 52 ademning ölümini keltürüp chiqarghan térrorluq hujumining gumandari térrorchi mihrach uralning ishtirakchilar arisida otturigha chiqishidin kéyin, yighinni orunlashturghan rusiye fédératsiyesi tashqi ishlar ministirliqi we rusiye mudapie ministirliqi bilen alaqe ornitip, yighindin ilgiri türkiyege melum qilinghan ishtirakchilar tizimlikige ismi kirgüzülmigen bu kishining yighingha qatnishishigha naraziliq bildürdi we rusiyening bu heqte izahat bérishini telep qildi.
rusiye dairiliri, mesilini jiddiy tekshürüwatqanliqlirini, türkiyeni tekshürüsh netijisidin waqiplanduridighanliqini uqturdi.
