20 yétim balining yüzi küldi
insan heq-hoquqliri we erkinlikliri jemiyiti süriye we türkiyede 20 ming yétim baligha qishiliq kiyim-kichek tarqitip berdi.
türkiye awazi radiyosi xewiri: insan heq-hoquqliri we erkinlikliri jemiyiti 20ming yétim baligha qishliq kiyim-kichek yardem qildi.
insan heq-hoquqliri we erkinlikliri jemiyiti ige-chaqisizlargha yardem qilish ishxanisi bashliqi beshat basher türkiye we süriyede yashawatqan yétim balilargha qishliq kiyim-kichek tarqitip bergenliklirini bildürdi.
jemiy 20ming yétim baligha qishliq kiyim-kichek tarqitip bergenliklirini éytqan basher mundaq dédi: «türkiyening 15wilayiti bilen ichki urushqa sehne boliwatqan süriyening her qaysi rayonliridiki yétim balilargha qishliq kiyim-kichek tarqitip berduq, türkiyede 6000, süriyede texminen 14 ming balining qishliq kiyim-kichiki bar boldi.»
insan heq-hoquqliri we erkinlikliri jemiyitining türkiyediki 75 wilayette 15 ming yétim baligha ige chiqqanliqini eslitip ötken basher sözini dawamlashturup mundaq dédi: «türkiyediki yétim balilargha yémek-ichmek, maarip we sehiye qatarliq jehetlerde yardem qolimizni sunup kéliwatimiz, 2007-yildin buyan bu paaliyitimizni izchil dawamlashturup kelduq, biz saxawetchiler sistémisi qurup chiqtuq, saxawetchilerning yardimini yétim balilargha muwapiq shekilde yetküzüp kéliwatimiz.»
