erdoghan bilen ömer elbeshir ortaq xitabname élan qildi

türkiye awazi radiyosi xewiri: türkiye jumhur reisi rejep tayyip erdoghan bilen sudan pirézidénti ömer elbeshir ortaq xitabname élan qildi. xitabnamide, «aliy derijilik istratégiyelik hemkarliq kéngishi» ning qurulushi bilen konkrét qedemlerning bésilghanliqi tekitlendi.

xitabnamide, rejep tayyip erdoghanning sudan ziyaritining, ikki dölet otturisidiki mewjud yiltizi chongqur, tarixiy, medeniyet we ijtimaiy rishtilerni asas qilghan qérindashliq munasiwetlirini chongqurlashturush, shundaqla iqtisadiy we soda jehettiki shérikchilik munasiwetlerni kücheytish daireside emelge ashqanliqi eskertildi.

rejep tayyip erdoghanning ziyaritining, ikki dölet otturisidiki munasiwetlerde teqdirleshke erziydighan ilgirileshlerge purset yaritip bergenliki bildürülgen xitabnamide, bilim, pen-téxnika, sanaet, yéza igilik ishlepchiqirishi, ormanchiliq, maarip, sayahetchilik, muhit, radiyo-téléwiziye, kichik we ottura tiptiki shirketler, kanchiliq, soda we iqtisadiy shérikchilik saheliride hazirqi mewjud shérikchilik munasiwitini kücheytish boyiche kélishimlerning imzalanghanliqi qeyt qilindi.

xitabnamide: «ziyaret wesilisi bilen, pirézidént ömer elbeshir dunya miqyasida körsetken tengdashsiz gheyriti we rehberlik iqtidarini maxtighan halda qérindishi rejep tayyip erdoghangha sudanning eng yuqiri médalini teqdim qildi» déyildi.

xitabnamide yene, ikki rehberning muhim xelqaraliq we rayonluq mesililerdiki qarashlirining oxshashliqini nezerde tutqan halda xelqaraliq munberlerde özara qollash we teng heriket qilishni wede qilghanliqi tekitlendi.