erdoghan:ottura asiya medeniyiti bizning medeniyitimiz
qurulushi qaytidin pilanlanghan atatürk medeniyet merkizi qisqa filim arqiliq xelqqe tonushturuldi.
türkiye awazi radiyosi xewiri: dölitimiz jumhur reisi rejep tayyip erdoghan halich kongre merkizide «yéngi atatürk medeniyet merkiziy layihesi» ni tonushturush yighinida, layihening tepsilati heqqide uchur berdi.u: «türk xelqi bolush süpitimiz bilen, medeniyet-senet bayliqimiz nahayiti moldur. sherqqe qarisaq, kawkaz medeniyiti, ottura asiya medeniyiti közimizge chéliqidu, bular bizning medeniyitimizdur.shimalgha qarighan waqtimizda köridighan qirim medeniyitimu bizning medeniyitimiz hésablinidu. sherqiy jenubtiki mésopotamiye medeniyitimu bizning medeniyitimiz, anadolu démisimu öz aldigha medeniyet buliqidur. mesile shuki, bizning bu medeniyet bayliqlirimizni yéterlik derijide bilelmeslikimizdu» dédi.
layihening yéngi sin körünüshliri tunji qétim körsitildi.
yéngi atatürk medeniyet merkizi zamaniwi binakarliq shekli bilen diqqet qozghaydighan bolup, ichide nurghun bölümler bolidiken. qurulush tamamlanghinida, bir opéra zali, senet galérisi, tiyatir zali, kutupxana, köp qollinishchan zal, balét zali, körgezme zali we réstoran qatarliqlar bolidiken.
jumhur reis rejep tayyip erdoghan: «allah nésip qilsa 2019-yilning tunji charikide ishqa kirishtürginimizde, yüzimizni yoruq qilidighan atatürk medeniyet merkizi istanbul we dölitimiz üchün simwol xaraktérlik makangha aylinidu» dédi.
