erdoghan polshada ziyarette bolidu
jumhur reis rejep tayyip erdoghan polsha pirézidénti andrzéj dudaning teklipige binaen 17 – öktebir seyshenbe küni polshada dölet ishliri ziyaritide bolidu.
türkiye awazi radiyosi xewiri: jumhur reislik sariyi axbarat wasitiliri merkizining bildürüshiche, erdoghan bilen duda ayrim we heyetler ara uchrishishlarni élip baridiken. buningdin bashqa yene, jumhur reis erdoghan polsha bash ministiri béata sizidlo, polsha parlaméntining ikki qanitini teshkil qilidighan yuqiri palata we awam palatasining bashliqliri bilen körüshidiken.
ziyaret munasiwiti bilen türlük saheler boyiche kélishimler imzalinidiken.
igilinishiche, türkiye 600 yildin artuq tarixiy dostluq munasiwetlirige ige bolghan we 2009 – yili istiratégiyelik hemrahliq munasiwiti ornatqan polsha bilen her jehettin hemkarliqni kücheytishke nahayti zor ehmiyet béridiken. shunga, erdoghanning bu ziyariti türkiye – polsha munasiwetlirini pütkül rayongha paydiliq shekilde yenimu yüksek sewiyege yetküzüshte türtklik rol oynaydiken.
