yildirim amérikida yüz bergen qanliq hujumni eyiblidi
bash ministir binali yildirim, amérikining las wégas shehiride yüz bergen qoralliq hujum toghrisida bayanat élan qildi.
türkiye awazi radiyosi xewiri: bash ministir binali yildirim, amérikida yüz bergen qanliq hujumni eyiblep, «amérika qoshma ishtatlirining dosti we ittipaqdishi bolghan türkiyening bash ministiri bolush süpitim bilen, bu dölette yüz bergen xainlarche hujumgha qarshi amérika hökümiti we xelqi bilen hemkarliq ichide ikenlikimizni tekitleymen» dédi.
bash ministir yildirim, las wégasta yüz bergen qoralliq hujum toghrisida yazma bayanat élan qilip, weqede köp sanda ademning hayatidin ayrilghanliqi we yarilanghanliqidin chongqur qayghurghanliqini eskertti.
bayanatida, «amérika qoshma ishtatlirining dosti we ittipaqdishi bolghan türkiyening bash ministiri bolush süpitim bilen, bu dölette yüz bergen xainlarche hujumgha qarshi amérika hökümiti we xelqi bilen hemkarliq ichide ikenlikimizni tekitleymen» dégen ibarilerge orun bergen binali yildirim, amérikining azabini chongqur hés qilghanliqlirini qeyt qildi.
bash ministir binali yildirim, hujumda hayatidin ayrilghanlarning yéqin – yoruqlirigha türk xelqi we öz namidin teziye bildürdi, yaridarlargha téz shipaliq tilidi.
