türkiye ichki ishlar ministirliqi mérkélning eyibleshlirige reddiye qayturdi
türkiye jumhuriyiti ichki ishlar ministirliqi, gérmaniye bash ministiri angéla mérkélning «xelqara saqchi teshkilati – intérpol» toghrisidiki sözlirige reddiye qayturdi.
![türkiye ichki ishlar ministirliqi mérkélning eyibleshlirige reddiye qayturdi](http://cdn.trt.net.tr/images/xlarge/rectangle/3286/0055/2889/599d213b1c00b.jpg?time=1719345813)
türkiye awazi radiyosi xewiri: türkiye jumhuriyiti ichki ishlar ministirliqi bayanat bérip, «gérmaniye bash ministirining <intérpol qanallirining dölitimiz teripidin suyiistémal qilinghanliqi> toghrisidiki eyibleshlirini qobul qilish mumkin emes» dégenlerni qeyt qildi.
üstidin qizil bashliq tutush buyruqi chiqirilghan T-HKPC térrorluq teshkilati ezasi erdoghan akhanlining ispaniyede nazaret astigha élinghandin kéyin qoyup bérilgenliki xatiritilgen bayanatta, bu ishlarning mérkélning sözliridin kéyin yüz bérishiningmu oylinishqa tégishlik bir ish ikenliki tekitlendi.
ministirliq, erdoghan akhanlining üstidin 1984 – yili ikki teshkilat ezasi bilen birlikte istanbul tahtaqelediki bir chet el pul almashturush ornigha hujum qilip, u jayning xojayinini öltürüsh we teshkilat namidin qoralliq bulangchiliq qilish bilen eyiblinip tutush buyruqi chiqirilghanliqini alahide eskertti.