türk herbiy paraxoti qatargha yétip bardi
t j g- gökowa namliq türk herbiy paraxoti herbiy maniwérgha qatnishish üchün qatargha yétip bardi.
türkiye awazi radiyosi xewiri: türkiye déngiz armiyesige tewe t j g- gökowa namliq herbiy paraxot, qatarning paytexti dohaning sherqiy jenubidiki hamed portigha yétip bardi.
qatar mudapie ministirliqi teripidin bu heqte élan qilinghan bayanatta, türkiye déngiz armiyesige tewe t j g-gökowa namliq herbiy paraxotning qatar bilen türkiye birliship ötküzmekchi bolghan herbiy maniwérgha qatnishish üchün 214 kishidin teshkil tapqan herbiy etret bilen qatargha yétip barghanliqi bildürüldi.
türkiye we qatar déngiz armiyeliri teripidin ötküzülidighan herbiy maniwérning hamed porti, doha herbiy bazisi we qatar déngiz tewelikide élip bérilidighanliqi alahide eskertilgen bayanatta mundaq déyildi: «bu qétimqi herbiy maniwér ashqunluq we térrorizimgha qarshi küresh qilish üchün türkiye bilen qatar otturisidiki herbiy hemkarliq dairiside ötküzülidu.»
