erdoghan hamburgda uchrishishlirini bashlidi

türkiye awazi radiyosi xewiri: rejep tayyip erdoghan G20 yighini dairiside birinchi bolup b d t bash katipi gutérrs bilen körüshti. körüshüshke, tashqi ishlar ministiri mewlüt chawushoghlu, yawropa ittipaqi ishliri ministiri we bash muzakirechi ömer chelik we jumhur reislik mehkimisining bayanatchisi ibrahim kalin qatarliqlar birge boldi.

rejep tayyip erdoghan b d t bash katipi bilen körüshüshini axirlashturghandin kéyin, yaponiye bash weziri shinzu abi bilen körüshti. u: «dölitimizdiki xainlarche herbiy özgirish qozghashqa urunush herikiti yüz bergende tunji bolup téléfon qilghan rehber bolghanliqingiz üchün teshekkürlirimni bildürüshni xalaymen. biraq, fethullahchi térrorluq teshkilati yaponiyede telim-terbiye orunliri, jemiyetler we atalmish medeniyet merkezliri nami astida paaliyetlirini dawam qiliwatidu. fethullahchi térrorluq teshkilati muqim organliri arqiliq özini türkiye jemiyitining wekili süpitide körsitip, her xil paaliyetlerni qiliwatidu, ular héchqandaq shekilde türkiyege wekillik qilalmaydu» dédi.