türkiye mesjidi heremge hujum qilishqa urunush qilmishini eyiblidi
türkiye tashqi ishlar ministirliqi, mesjidi heremde térrorluq hujumi sadir qilishqa urunush qilmishi toghrisida bayanat berdi.
türkiye awazi radiyosi xewiri: türkiye, mesjidi heremde térrorluq hujumi sadir qilishqa urunush qilmishi toghrisida bayanat bérip, «islam alemining eng mubarek makanlirining biri bolghan mesjidi heremde térrorluq hujumi sadir qilishqa urunush qilmishini qattiq eyibleymiz» dédi.
tashqi ishlar ministirliqi teripidin élan qilinghan yazma bayanatta, xainlarche teshebbusning aldining élinghanliqidin xushalliq hés qilinghanliqi tekitlengen halda, «seudi xewpsizlik küchlirini tebrikleymiz» déyildi.
seudi erebistan ichki ishlar ministirliqi aldinqi küni bayanat bérip, mesjidi herem qatarliq mubarek zéminlar bilen ömre qilghuchilarning bixeterlikige ziyan yetküzüsh éhtimali bolghan heriketlerge qarshi jiddede bir, mekkide bolsa, ikki térrorchilar shaykisigha zerbe bérilgenlikini, heriket jeryanida biri ayal bolup jemiy 5 térrorchining nazaret astigha élinghanliqini uqturghanidi.
