süriyeliklerning jerablusqa qaytishi dawam qilmaqta
buningdin alte yil ilgiri bashlanghan ichki urushtin qéchip türkiyege kelgen süriyelik musapirlar, firat qalqini herikiti dairiside daésh térrorluq teshkilatidin xaliylashturulghan rayonlargha qaytishni dawamlashturmaqta.
730298
türkiye awazi radiyosi xewiri: qarqamish nahiyeside ghaziantep waliyliq mehkimisi teripidin tizimgha élinghan süriyelikler, wilayetlik köchmenler idarisi xadimlirining nazariti astida döletlirige qaytmaqta.
ayallar we balilar qoshulup künde otturiche 200 süriyelik, nerse – kérek we yük – taqlirini alghan halda qarqamish tamozhna éghizigha bérip, bixeterlik tekshürüshliridin ötkendin kéyin jerablusqa ötmekte. erkin süriye armiyesi xadimliri, mezkur kishilerni tamozhna éghizida kütüwélip, yük – taqlirini aptomobillargha bésip öylirigiche apirip qoymaqta.
24 – awghustta bashlighan firat qalqini herikitining birinchi künidin buyan türkiyedin jerablusqa qaytqan süriyeliklerning sani 38 minggha yetti.
