erdoghan pikir erkinliki we yashlar toghrisida muhim söz qildi
jumhur reis rejep tayyip erdoghan, pikir erkinlikige bashqilarningmu bu hoquqqa hörmet qilishi sherti bilen her daim hörmet qilip kelgenlikini eskertti.
türkiye awazi radiyosi xewiri: jumhur reis erdoghan istanbul méridiyan xelqara ochuq munazire musabiqisining mukapat tarqitish murasimida söz qilip, yashlargha özlirini tereqqiy qildurushini, bu dairide bezi kitablarni oqushni tewsiye qildi.
melumatini nutuq we alaqilishish iqtidari arqiliq namayan qilalmighan bir yashning nishanlirigha yétishining qiyin ikenlikini tekitligen jumhur reis erdoghan, munazire qilishning gepdanliq qilish emes, ilimdin paal paydilinish seniti ikenlikini tekitlep ötti.
istanbul imam – xatip toluq ottura mektipide oquwatqan mezgilliride munazirilerge ishtirak qilghanliqini xatirilitip ötken jumhur reis erdoghan, mektipining arqa – arqidin uda ikki yil 57 toluq ottura mektep ishtirak qilghan istanbul munazire musabiqiliride chémpiyon bolghanliqini bildürdi.
herdaim pikir erkinliki terepdari bolup kelgenlikini alahide tekitligen erdoghan, «pikirler erkin – azade otturigha qoyulup bes – munazire qilinmighan jayda, zorawanliq heriketke ötidu. shunga biz pikir erkinlikini, bashqilarningmu bu heqlerge hörmet qilishi sherti bilen, adaqqiche himaye qilduq, qolliduq. yéqinqi 14 yilda kompyutér taxtiliri, logolar, herpler, sözlerge qoyulghan köpligen cheklimilerni biz emeldin qaldurduq. on yillardin buyan yéziq we pikiriy hayatimizgha hökümran boluwatqan bir tereplimichi, koniliqni yaqlighuchi tonushning ornigha xilmuxilliqqa bayliqimiz, dep qaraydighan, pikirning yolini daghdamlashturidighan bir dunya qarashni dessettuq» dédi.
«bizge qarighularche itaet qilidighan nadan yashlar emes, némige ishiniwatqanliqini, némini himaye qiliwatqanliqini, némining kürishini qiliwatqanliqini bilidighan؛ buning üchün kéreklik bolghan her türlük qabiliyetke ige yashlar lazim» dégen erdoghan sözlirini dawamlashturup, «fethullahchi térrorluq teshkilati / parallél dölet qurulmisining 15 – iyuldiki herbiy isyan qozghashqa urunush herikiti kéchisi, mana mushundaq süpetlerge ige yashlar, nöwiti kelgende döliti we milliti üchün, musteqilliqi we istiqbali üchün ikkilenmestin jéninimu pida qilalaydighanliqini körüp yettuq» dédi.
u yene, «bu döletning ötken 20 – 30 yilliq insaniy birikmisige köz salghanlarning özliri yétishtürgen qatlamgha qarap, özlirini diwidek hés qilghan chéghi... millitimiz 15 – iyuldiki pozitsiyesi arqiliq bulargha diwe emes, goya bir kumuta ikenliklirini körsitip qoydi» dégenlerni qeyt qildi.
