türkiye yaridar peshmergelerning dawalinishigha yardem qilishqa teyyar ikenlikini bildürdi
türkiye armiyesining sinjardiki PKK térrorchilirigha zerbe bérish herikitide yarilanghan peshmergelerning dawalinishigha yarde qilishqa teyyar ikenlikini bildürdi.
türkiye awazi radiyosi xewiri: türkiye, iraqning shimaligha jaylashqan sinjar téghidiki PKK térrorluq teshkilati unsurlirigha zerbe bérish hawa herikitide yarilanghan peshmerge (kord esker) lerning dawalinishigha yardem qilishqa teyyar ikenlikini erbil dairilirige yetküzdi.
türkiyening erbilde turushluq bash konsuli mehmet akif inam, iraq kord rayonluq hökümiti ichki ishlar ministiri we peshmergilerge mesul muawin ministir kerim sinjari bilen bu heqte uchrishish ötküzgendin kéyin bayanat bérip, «peshmerge ministirliqida ziyarette bolup, qayghurghanliqimizni we teziye tileklirimizni izhar qilduq. yene, yaridarlarning dawalinishigha yardem qilalaydighanliqimizni eskerttuq» dédi.
türkiye urush ayropilanlirining 25 – aprél kéchisi iraqning musul shehirige qarashliq sinjardiki PKK térrorluq teshkilati unsurlargha zerbe bérish hawa herikiti élip barghan jaydiki 5 peshmerge eskiri hayatidin ayrilghan, 8 i yarilanghanidi.
