chanaqqele urushining 102 – yilini xatirilesh murasimliri tolimu tesirlik ötti
engliyening amérikida turushluq bash elchisi richard mur qilghan sözide, bu künning menisi we ehmiyitini tekitlep, türk eskerlirining eyni chaghdiki urush exlaqidin hazirmu qattiq tesirlinidighanliqini éytti.
türkiye awazi radiyosi xewiri: tarixtiki eng chong qehrimanliq dastanliridin birsi yézilghan chanaqqele qurughluq urushlirining 102 – yili her xil paaliyetler bilen xatirilenmekte. geliboloning oxshash bolmighan jaylirida murasimlar ötküzülmekte.
tünügün shéhitler abidisidiki murasimda quran tilawet qilindi we dualar oquldi.
medeniyet we sayahet ishliri ministiri nabi awji söz qilip, chanaqqele zeperi bilen azadliq urushi otturisida inkar qilghili bolmaydighan munasiwet barliqini tekitlidi.
nabi awji bu katta zeperning qolgha kélishide birlik we barawrelik ruhining üstün kelgenlikini éytti.
engliyening amérikida turushluq bash elchisi richard murmu qilghan sözide bu künning menisi we ehmiyitini tekitlep, chanaqqele qurughluq urushlirigha qatnashqan her ikki terepning özara tolimu tesirlik yiqin munasiwet ornatqanliqini bildürdi we bu yéqinliqning hazirmu özini qattiq tesirlendüridighanliqini éytti.
murasimda osmanli barabanchi etriti numur körsetti. andin parattin ötüsh murasimi ötküzüldi.
türkiyening alemshumul shöhretke ige uchquchilar etriti «Solo Türk» chanaqqele boghuzi üstide uchup maharet körsetti.
57 – diwéziye shhitgahliqigha türkiye armiyesi we ittipaqdash döletler namidin gül chembirek qoyuldi.
murasim ministir nabi awji we hemrahliqidiki heyetning shéhit marazlirigha gül qoyushi bilen axirilashti.
engliye we firansiye eskerlirining mazarliqliridimu murasim ötküzüldi.
türkiye armiyesining katta ghelibisi bilen axirlashqan chanaqqele urushi sekkiz yérim ay dawamlashqan idi.
chanaqqele zepirining 102 – yilini xatirilesh paaliyetliri dairiside bügün pütün dölet miqyasida yene, yashlar we tenterbiye ishliri ministirliqi teripidin orunlashturulghan «57 – diwéziyege wapa yürishi» ötküzüldi.
etigende nurghunlighan sheherlerde ötküzülgen wapa yürishige minglighan kishi qatnashti.
chanaqqele urushining ghelibige érishishide 57 – diwéziyening körsetken qehrmanliqliri tarixqa altun heripler bilen yézilghan idi.
