qatarda türkiyening tunji doxturxanisi ishqa kirishtürüldi
paytext dohadiki doxturxanini tashqi ishlar ministiri mewlüt chawushoghlu bilen iqtisad ishliri ministiri nihat zeybekchi ishqa kirishtürdi.
türkiye awazi radiyosi xewiri: chawushoghlu murasimda qilghan sözide, doxturxanining türkiye – qatar hemrahliqida bir modél teshkil qilinghanliqini, ilghar üskünilerge ige doxturxanida tejribilik türk doxturlarning wezipe öteydighanliqini bildürdi.
türkiyening sehiye saheside nahayti zor ilgirileshlerni hasil qilghanliqini eskertken chawushoghlu, doxturxanining peqet qatarda yashawatqanlarghila emes, pütkül rayon ahalisigha mulazimet qilidighanliqini tekitlidi.
doxturxanining mesuli wolqan uyghunucharlar barliq xizmetchi xadimliri türk bolghan qatardiki türk doxturxanisining 85 yataq, ilghar üskünilik 5 opératsiye bölümi, 28 shipaxana, ayallar késellikliri we tughut bölümidin sirt yene, éghir késeller bölümidin teshkil tapidighanliqini qeyt qildi.
