istanbul hujumchisining ayali qolgha élindi

türkiye awazi radiyosi xewiri: istanbul jinayi ishlar sot mehkimisi «asasiy qanun tüzümini aghdurup tashlashqa urunush» we «qoralliq térrorluq teshkilatigha eza bolush» jinayetliri bilen eyiblep istanbul hujumjisi abdulqadir masharipowning ayalinimu öz ichige alghan 11 gumandar üstidin qolgha élish qarari chiqardi.

teptish mehkimisi qetliamni tekshürüsh jeryanida yéngi melumatlargha érishti. bu melumatlarda zorawan abdulqadir masharipowning ayali zarina n ningmu térrorluq teshkilati daésh ezasi ikenliki, uning heqiqiy kimlikini yoshurup, fatime abduréhim ismini ishletkenliki, tutulushtin bir kün burun oghul balisini öyge kelgen ikki daéshchigha belgenliki eskertildi.

gumandarlardin ikkisining masharipowning yoshurunushi we qéchishigha yardem bergenliki, gumandarlar arisisda masharipowning hujumdin kéyin taksi bilen barghan zentinburnudiki réstoranning xojayinimu bar bolup, bu yerde masharipowgha taksigha bérishi üchün 40 lira we chapan bérilgenliki hemde bu yerdin bir mezgil yoshurunghan öyge élip bérilghanliqi bildürüldi.

bu ariliqta, zorawan abdulqadir masharipow dawamliq soraq qilinmaqta.

yene bir tereptin, qetliamni tekshürüsh jeryanida bursada tutulghan térrorluq teshkilati daéshqa eza 13 chet ellikmu qolgha élindi.