patént qanuni imzalandi
dölitimiz jumhur reisi rejep tayyip erdoghan patént qanunini imzalidi we uning permani bilen resmiy gézitte élan qilinip, yolgha qoyuldi.
türkiye awazi radiyosi xewiri: jumhur reis rejep tayyip erdoghan türkiye patént qanunini imzalidi we bu qanungha asasen «türk patént inistituti» ning nami «türk patént we marka idarisi» gha özgertildi.
mezkur qanun boyiche, bashqilarning markisini oghrilap we qalaymiqan ishlitip, mal ishlepchiqarghan, satqan, soda meqsitide sétiwalghan, yötkigen yaki ambarda saqlighanlargha, 1 yildin 3 yilghiche qamaq jazasi bérilidu we jerimane qoyulidu. marka qoghdash belgisiini, maldin yaki qachilanghandin kéyin éliwetken kishige 1 yildin 3 yilghiche qamaq jazasi bérilidu we 5 ming küngiche edliye jerimanisi qoyulidu.
mezkur qanun bilen, marka, jughrapiyelik belge, layihelesh, patént, paydiliq modél hemde eneniwi mehsulat nami heqqidiki heq-hoquqlarning qoghdilishi we bu arqiliq téxnikida, iqtisadta we ijtimaiy jehette tereqqiyatqa hesse qoshushni qolgha keltürüsh meqset qilinmaqta.
