süriyelik musapirlarning yurtlirigha qaytishi dawam qilmaqta
süriyede 6 yildin buyan dawamlishiwatqan ichki urushtin qéchip türkiyege kelgen musapirlar yurtlirigha qaytishni dawamlashturmaqta.
türkiye awazi radiyosi xewiri: süriyede 6 yildin buyan dawamlishiwatqan ichki urushtin qéchip türkiyege kelgen musapirlarning firat qalqini herikiti dairiside daésh térrorluq teshkilatidin xaliylashturulghan jaylargha qaytishi dawamlashmaqta.
ghaziantep waliyliq mehkimisi teripidin qarqamish nahiyeside tizimgha élinghan süriyelikler, köchmenler idarisi wilayetlik shöbisi xadimlirining nazariti astida döletlirige qaytmaqta؛ yanlirigha alghan nerse – kérek we yük – taqiliri bilen birlikte qarqamish chégra éghizigha kelgen ayallar we balilarni öz ichige alghan 250 kishilik süriyelik guruppa, xewpsizlik tekshürüshidin kéyin jerablus terepke ötti.
erkin suriye armiyesi xadimliri teripidin chégra éghizida kütüwélinghan süriyeliklerning nerse – kérekliri aptomobillar bilen öylirigiche yetküzüp bérildi.
süriyening shimalini térrorchilardin xaliylashturush meqsitide 24 – awghustta türkiye armiyesining yétekchilikide bashlighan firat qalqini herikiti dairiside bügünchige türkiyedin jerablusqa qaytqan süriyeliklerning sani 16 minggha yetti.
